Policia e Kosovës ka njoftuar se mbrëmë kanë pranuar një informacion p;ër të shtëna me armë në Mitrovicë, saktësisht në fshatin Frashër, përcjell InLajmi.
Avni Zahiti, zëdhënës i Policisë në rajonin e Mitrovicës ka bërë të ditur për Gazetën InLajmi, se pas informatës menjëhere kanë dalë në vendin e ngjarjes, ku ishte një aheng familjar.
Rreth kësaj Policia ka arrestuar një 19 vjeçar i cili yshohet se ka guajtur me armë, pas intervistimit është liruar në procedura të rregullta.
“Mbrëmë në Stacionin Policor Jugu në Mitrovicë, është pranuar një informatë për të shtëna me armë zjarri në një zonë banimi në fshatin Frashër të Mitrovicës. Mbi bazën e informacionit fillestar janë ndërmarrë veprime të shpejta policore, ku pas një kohe të shkurtër njësitet policore kanë identifikuar vendin nga ku ishin dëgjuar të shtënat, me çrast në vendin e ngjarjes, ku kishte aheng familjar, në cilësi të provave materiale kanë sekuestruar një armë të llojit pistoletë dhe një karikator me shtatë fishekë dhe disa gëzhoja. Në cilësi të të dyshuarit është intervistuar B. S., 19 vjeçar, ku pas procedurave intervistuese me urdhër të prokurorit të rastit, i dyshuari në fjalë është liruar në procedurë të rregullt. Ndaj tije është iniciuar rast për veprën penale përdorim i armës dhe armëmbajtje pa leje”, ka deklarur Zahiti. /InLajmi/
