Ministrja e Arsimit, Shkencës, Teknologjisë dhe Inovacionit, Arbërie Nagavci, në një prononcim për Ekonomia Online, tha se janë duke punuar që nga viti i ardhshëm shkollor të ofrojnë arsimim “dual” për nxënësit.
Arsimimi “dual” është një sistem në të cilin aftësimi në një kompani kombinohet me lëndë në një shkollë profesionale.
“Arsimi dhe aftësimi profesional është një nga qëllimet tona strategjike. Ne kemi filluar bashkëpunimin edhe me komunat dhe shkollat profesionale në mënyrë që të kemi sukses në arsim aftësim profesional më të mirë për nxënësit. Kemi shtuar bashkëpunimin me partnerë tanë të cilët janë duke ofruar mbështetje në këtë fushë”.
“Jemi duke konsoliduar edhe punuar në ofrimin e mësimit dual nga viti i ardhshëm shkollor gjithsej viti 2022-2023 në mënyrë që aty ka mundësi dhe industri të zhvilluara bizneset të ofrohet edhe mësimi dual për nxënësit. Po jemi në përfundim të përgatitjeve për vitin e ri shkollor”.
Tutje, Nagavci ka thënë se është e rëndësishme krijimi i politikave të mirëfillta me ndërmarrjet, bizneset në mënyrë që t’u përshtaten tregu të punës për
“Është shumë e rëndësishme që të kemi politika të mirëfillta të kemi bashkëpunim me ndërmarrjet, bizneset dhe të kemi një koordinim të mirë te gjithë donatorëve dhe partnerëve tanë nën udhëheqjen e Ministrisë së Arsimit ashtu që të shihet interesi nga secili fëmijë”.
“…edhe arritja e rezultateve të tyre në përmirësimin e shkathtësive dhe kompetencave si në plotësimin e nevojave dhe kërkesave nga tregu i punës po ashtu edhe në parapritjen e asaj që është e rëndësishme për zhvillim ekonomik të vendit”.
