Në një konferencë të mbajtur nga Partia Demokratike e Kosovës, deputeti i saj Bedri Hamza, ka folur rreth kandidatit Memli Krasniqi, raporton InLajmi.
Hamza, u drejtua me fjalët më të mira për Krasniqin, duke thënë se ai i ka të gjitha karakteristikat që duhet të ketë një lider.
Sa i përket Konventës së partisë në të cilën Krasniqi është i vetmi kandidat në garë, Hamza garantoi që nuk ka pasur ndikim dhe ka qenë një garë e hapur, duke shtuar se edhe pse është vetëm një kandidat, ky proces do të jetë demokratik.
“I ka të gjitha karakteristikat që duhet t’i ketë një lider. Ka qenë një garë e hapur. Fakti pse e kemi vetëm ai kandidat do të thotë që të gjithë jemi pajtuar që ta mbështesim Krasniqi në këtë proces. Nuk ka pasur ndikimi, gara ka qenë e hapur dhe kushdo që e ka ndjerë veten që është për këtë pozitë e ka pasur këtë të drejtë”, ka thënë Hamza.
“Gara me një kandidat edhe në këtë proces do të jetë demokratike”./InLajmi/
