Asociacioni i Gazetarëve të Kosovës, ka njoftuar se do të mbahet kuvendi për zgjedhjen e Kryetarit të Bordit dhe Anëtarëve të Bordit, përcjell InLajmi.
Nga AGK është njoftuar se kuvendi do të mbahet më datë 19 Korrik, dhe ka bërë thirrje që kandidaturat të dërgohen deri në atë datë.
Poashtu, Asociacioni ka bërë thirrje për të gjithë redaktorët, gazetarët, kameramanët dhe fotografët, që të bëhen pjesëmarrës në kuvendin zgjedhor.
Postimi i plotë i tyre:
Të nderuar anëtarë,
Asociacioni i Gazetarëve të Kosovës – AGK, ju njofton se kuvendi për zgjedhjen e Kryetarit të Bordit dhe Anëtarëve të Bordit të AGK-së, do të mbahet më 19 korrik 2021.
Asociacioni i Gazetarëve të Kosovës ju bënë thirrje të gjithë kandidatëve për kryetar të bordit që kandidaturat e tyre t’i dërgojnë në e-mailin zyrtar të AGK-së: office@agk-ks.org, më së voni deri më 17 korrik.
Konsiderojmë se dërgimi i emrave nga kandidatët për pozitën e kryetarit/kryetares së bordit do të ndikonte në një proces zgjedhor më të shpejtë, më transparent dhe më demokratik.
Asociacioni i Gazetarëve të Kosovës inkurajon si dhe mirëpret kandidimin e çdo gazetari/gazetareje që ka vullnet, vizion dhe përkushtim për të punuar dhe kontribuar në të mirë të organizatës dhe komunitetit të gazetarëve.
AGK u bën thirrje të gjithë redaktorëve, gazetarëve, kameramanëve dhe fotoreporterëve për të marrë pjesë në kuvendin zgjedhor, ku dhe do të zgjidhen strukturat e reja drejtuese të Asociacionit të Gazetarëve të Kosovës.
Për vendin dhe orën e mbajtjes së zgjedhjeve do të njoftoheni në kohë.
Me respekt,
Asociacioni i Gazetarëve të Kosovës./InLajmi/
