Kryetari i Lidhjes Demokratike të Kosovës, Lumir Abdixhiku me rastin e 2 korrikut të ditës së miratimit tëDeklaratës Kushtetuese për pavarësinë e Kosovës në vitin 1990 ka thënë se është platformë për krijimin e shtetit të pavarur dhe demokratik, përcjell InLajmi.
Abdixhiku ka thënë se deklarata e miratuar nga delegatët e asaj kohe ishte edhe sot e kësaj dite mbetet si njëra ndër momentumet më të rëndësishme.
Tutje i pari i LDK-së ka thënë se sot, tri dekada nga Deklarata Kushtetuese e 2 Korrikut, Kosova është shtet i pavarur dhe ndonëse me probleme dhe sfida të shumta.
Postimi i plotë i tij:
Deklarata Kushtetuese e 2 korrikut 1990 është njëra ndër ngjaret përcaktuese dhe qartësisht orientuese që i paraprinte idesë fillimisht të trajtimit të barabartë të Kosovës si pjesë e federatës së RFJ-së, dhe më vonë edhe si platformë për krijimin e shtetit të pavarur dhe demokratik.
Deklarata e miratuar nga delegatët e asaj kohe ishte edhe sot e kësaj dite mbetet si njëra ndër momentumet më të rëndësishme të artikulimit të vullnetit politik të një populli të shqypur dhe të diskriminuar ndër dekada.
Sot, tri dekada nga Deklarata Kushtetuese e 2 Korrikut, Kosova është shtet i pavarur dhe ndonëse me probleme dhe sfida të shumta, prandaj ne nuk guxojmë asessi ta lejojmë zbehjen e këtij projekti për të cilin u flijuan gjenerata të tëra.
Në këtë ditë të rëndësishme, u shprehim mirënjohjen tonë delegatëve të Kuvendit të 2 Korrikut, për guximin në atë kohë me kushte shumë të rënda, që ta artikulojnë vullnetin e popullit për liri dhe pavarësi dhe t’i hapin rrugën Kosovës drejt shtetformimit. /InLajmi/
