Drejtori i Shërbimit Spitalor Klinik Universitar të Kosovës, Valbon Krasniqi sonte deklaroi se Instituti Kombëtar i Shëndetit Publik dhe departamentet përkatëse që merren me përcjelljen e situatës epidemiologjike kanë ndërmarrë masat me kohë që të mos përhapet varianti Delta në Kosovë.
Krasniqi tregoi se pse varianti Delta po konsiderohet më i rrezikshëm.
“Për shkak se duket që ka aftësi më të madhe të përhapjes dhe eventualisht mund të jetë i ndërlidhur edhe me forma më të rënda të sëmundjes”, tha ndër të tjera Krasniqi në RTV 21
Ndryshe, më 29 qershor, Ministria e Shëndetësisë ka njoftuar se në Kosovë janë paraqitur 2 raste me variantin Delta të SARS-CoV-2.
MSH ka njoftuar se të 2 rastet kanë shfaqur simptoma, mirëpo tashmë janë shëruar dhe gjenden në shtëpi dhe se izolimi i tyre ka përfunduar.
