Kosova ka porositur nga Turqia autoblinda me mortajë Vuran 4×4 e prodhuar me bashkëpunimin e kompanive të industrisë turke të mbrojtjes
Vuran 4×4 është prodhuar nga BMC një prej prodhuesve të Turqisë për mjetet tokësore të blinduara. Automjeti i blinduar i cili mund të përdoret me shumë qëllime, prej një kohe ndodhet në inventarin e forcave turke të sigurisë.
Autoblinda Vuran është zhvilluar për t’u përdorur sipas nevojave dhe aftësive operacionale të Forcave të Armatosura të Turqisë. Në kuadër të kësaj autoblinde me mortajë Vuran 4×4 i zhvilluar nga BMC dhe ASELSAN është vendosur në përdorim të forcave të sigurisë.
Vuran 4×4 u shndërrua në produkt nga inxhinierët turq të cilët bashkuan dinamikat e përvojës luftarake të Forcave të Armatosura Turke dhe vizionin e industrisë turke të mbrojtjes. Me referencën e Forcave të Armatosura Turke, Vuran 4×4 ka ngjallur një interes edhe jashtë vendit.
BMC ka shtuar një risi eksportit që ka kryer kohët e fundit drejt Ballkanit, realizoi shitjen e parë jashtë vendit të Vuran 4×4 në kuadër të një marrëveshjeje të nënshkruar me Ministrinë e Mbrojtjes së Kosovës.
Në fazën e parë do të prodhohen dhe dorëzohen 2 mjete Vuran 4×4. Prodhimi i mjeteve do të bëhet në partneritet mes BMC dhe ASELSAN, raporton Anadolu Agency (AA).
Në mjet do të vihet në përdorim sistemi i mortajës 120 milimetra Alkar i kompanisë ASELSAN, përcjell Lajmi.net
Ky sistem i cili cilësohet si “bajoneta e re e ushtarëve turq”, me lëvizshmërinë dhe aftësinë e lartë të mbijetesës mund të kryejë detyra në kushte të vështira klimatike dhe gjeografike
