Donika Gërvalla, ministre e Punëve të Jashtme dhe Diasporës, është shprehur se integrimi i Ballkanit në BE do të vazhdojë të jetë i bllokuar derisa Serbia të njohë realitetin, përcjell InLajmi.
Gërvalla në Samitin e Prespës ka thënë se diskriminimi është toksik për ndërtimin e mirëbesimit, duke shtuar se çdo shtet duhet të punojë për tu bërë një rajon që paraqet besim për BE-në.
“Duke jetuar për 30 vjet në Gjermani, e kam parë që Bashkimi Evropian nuk është i interesuar për vende që mund ta paraqesin BE-në si një monedhë për ndarje. Arti i diplomacisë i bazuar në fakte dhe në të vërteta, nuk është i lehtë, derisa bashkëpunimi rajonal është i ndërlidhur me diskriminimin. Sepse diskriminimi është toksik, i helmueshëm për ndërtimin e mirëbesimit”, ka thënë Gërvalla./InLajmi/
