Rafet Halimi, Prokuror në këtë rast ka bërë me dije se 14 prej 21 të arrestuarve për “Subvencionet 2021”, janë zyrta që punojnë në kuadër të Ministrisë së Bujqësisë, raporton InLajmi.
“Në vazhdën e operacionit Prokuroria që në orët e hershme të mëngjesit kemi marrë një operacion të gjërë në Prishtinë, Podujevë, Pejë, Gjilan dhe Istog ku janë arrestuar 21 të pandehur për dhënie e marrje ryshfeti, keqpërdorim të detyrës zyrtare”.
“14 prej tyre janë zyrtarë në kudër të Ministriaë dhe disa zyrtar nga Komunat e Kosovës. Shumica prej tyre janë drejtorë. Prokurori ka prova të mjaftueshme se të pandehurit kanë kryer veprat penale dhe ndaj tyre brenda 24 orëve do të paraqitet kërkesa për paraburgim”.
Ndërsa, u.d i departamentit për hetim, Arben Paçarizi, ka deklaruar se deri tani janë siguruar prova të mjaftueshme ndaj të dyshuarve. Është bërë e ditur se vlera e dëmit të shkaktuar kalon shifrën e 1 milion eurove.
“Operacioni i sotëm nga Policia e Kosovës është mbështetur më njësi të veçanta që ka zgjatë disa muaj. Në hetim është punuar dhe janë siguruar prova të mjaftueshme ndaj të dyshuarve. Kemi shikuar në 5 lokacione dhe kemi marrë prova relevante për rastin e mëtutjeshëm”. /InLajmi/
