Prokurori i Shtetit ka njoftuar se gjatë 24 orëve të fundit nga prokuroritë themelore janë ngritur 105 aktakuza kundër 114 personave, për vepra të ndryshme penale.
Në njoftimin nga Prokuroria e Shtetit, gjithashtu thuhet se me urdhër të prokurorit të shtetit janë ndaluar për 48 orë 11 persona, si dhe janë bërë 4r kërkesa për caktimin e paraburgimit të 4 personave, të dyshuar se kanë kryer vepra të ndryshme penale.
Prokuroria Themelore në Prishtinë, me urdhër të prokurorit ka ndaluar 5 persona të dyshuar, ka paraqitur 2 kërkesa për caktimin e masës së paraburgimit ndaj 2 personave, si dhe ka ngritur 41 aktakuza kundër 46 personave, për vepra të ndryshme penale, thuhet në njoftim.
Prokuroria Themelore në Prizren, gjatë 24 orëve të fundit, ka ndaluar një person të dyshuar si dhe pranë Gjykatës kompetente ka parashtruar një kërkesë për caktimin e masës së paraburgimit për një person. Ndërsa, nga kjo prokurori janë ngritur 17 aktakuza kundër 19 personave për vepra të ndryshme penale të parapara në Kodin Penal të Republikës së Kosovës (KPRK).
Ndërsa, Prokuroria Themelore në Pejë, gjatë 24 orëve ka ndaluar 2 persona të dyshuar për vepra të ndryshme penale, ka bërë një kërkesë për caktimin e masës se paraburgimit të një personi, si dhe ka ngritur gjashtë aktakuza, kundër 6 personave për vepra të ndryshme penale.
Prokuroria Themelore në Gjilan, ka ngritur 5 aktakuza kundër 5 personave për vepra të ndryshme penale.
Prokuroria Themelore në Gjakovë, me urdhër të prokurorit kujdestar, është ndaluar një person i dyshuar në kohëzgjatje prej 48 orësh, si dhe, janë ngritur 9 aktakuza kundër 9 personave për vepra të ndryshme penale.
Prokuroria Themelore në Mitrovicë ka ngritur 16 aktakuza kundër 16 personave, për vepra të ndryshme penale, përcjell Telegrafi.
Prokuroria Themelore në Ferizaj, gjatë 24 orëve të fundit, ka ndaluar 2 persona për vepra të ndryshme penale, si dhe ngritur 11 aktakuza, kundër 13 personave, për vepra të ndryshme penale, thuhet në njoftim.
