U zhvillua ceremonia “Letër për presidenten Vjosa Osmani”, në të cilën e para e shtetit u zotua se do të punojë në përmirësimin e jetës së fëmijëve, raporton InLajmi.
“Rëndësia e këtij aktiviteti do ta ketë përtej ditës së sotme. Gjithnjë duhet të jemi më afër qytetarëve e ku ka më mirë edhe afër fëmijëve. Kosova që ne duam është e ëndrrave tuaja. Kemi ende shumë punë për të bërë që secili fëmijë të ketë jetë më të denjë. Besoj në potencialin e gjithë secilit dhe jeni motivi kryesor për ne. Çdo herë kur marr vendim politik mendoj që impaktin që do ta ketë në gjeneratat e ardhme. Do i lexoj letrat tuaja me shumë vëmendje”.
Një nga kërkesat e para që Presidentja Osmani pranoi ishte ndërmarrja e hapave ndaj bullzimit nëpër shkolla.
“Unë dua të shkoj në shkollë të mos na ngacmojnë nxënësit”, ka shkruar një nga nxënësit R.S.
Ndërsa, në këtë ceremoni ka folur edhe Ardiana Pajazitit, drejtoreshë e Kult Plus, e cila është shprehur se me këto letra fëmijët kanë zhvilluar krijimtarinë e tyre.
“Me këto letra pos që zhvilluam krijimtarinë e fëmijëve ne morëm edhe kërkesa që i kanë drejtua te institucionet. Këta fëmijë kanë parë një derë të hapur tek ju dhe ka shpallur dhjetëshen më të mirë”.
Edhe kryetari i jurisë së konkursit, Ibrahim Kadriu është shprehur se letra të tilla duhet të botohen dhe të mbesin si kujtim.
“Një aksion të tillë s’kam pasur mundësi të shohim deri tash. Kemi pasur mundësi të lexojmë 100 letra. Aty në ato letra shihet vullneti dhe mençuria e fëmijëve. Ato letra ta kenë një lloj botimi dhe të mbesin kujtim”.
Çmimi i 3-të “Letër për Presidenten”, shkoi për qendrën ditore të fëmijëve, çmimi i 2-të për Leart Kryeziun, ndërsa çmimin e parë e mori Anesa Sadiku./InLajmi/
