“Gratë Konsumatore”, është tryeza e diskutimit e organizuar nga Instituti për Politika Zhvillimore, në kuadër të së cilës janë diskutuar të drejtat e kosumatorëve nga perspektiva gjinore, raporton InLajmi.
Dardan Abazi nga ky institute, është shprehur se gratë po hasin në shumë vështirësi për hapje të një biznesi.
“Sot do të diskutohet për gruan si konsumatore dhe ai ndërmarrëse në të shumtën e hulumtimeve gratë janë treguar si agjentë ekonomikë. Në tregun e Kosovës shohim probleme të shumta qoftë edhe në pozicionimin e produkteve”.
“Gruaja ndërmarrëse dhe biznesmene përballet jo njëtrajtshme me ato që përballen burrat dhe ka vështirësi më të mëdha për të nisur një biznes”, ka thënë ai.
Ndërsa, menaxherja e projekteve nga Qendra Kosovare për Studime Gjinore, Liridona Sjarina, është shprehur se ekonomia është dizajnuar për të i’u përshtatur më shumë interesave të burrave, duke vënë në dukje se produktet specifike për gratë janë dukshëm më të shtrenjta.
“Gratë janë konsumatoret kryesore në shoqërinë tonë sepse pjesa dërmuese është e bazuar në ofrimin e shërbimeve. Gratë janë bartëset kryesore në ekonominë shtëpiake. Ekonomia jonë është thellësisht e dizajnuar që me ju përshtat interesave të burrave, edhe vaksinat kundër Covid kanë treguar që kanë efekte më të mëdha te gratë”.
“Produktet që janë më specifike për gratë janë dukshëm më të shtrenjta. Gratë me 14% të cilat janë të punësuara”.
Poashtu ajo tha se edhe sektori bankar tregon besueshmëri më të vogël ndaj grave se sa ndaj burrave.
“Në bazë të strategjive që janë bërë ne nuk kemi parë masa tematike që i targetojnë gratë që ua lehtësojnë procesin e të bëri biznes, edhe të marruarit kredi është shumë më e vështirë se sa për burrat, sektori i bankave tregon besueshmëri më të vogël për gratë”, tha Sjarina
“…mënyra se si sot bëhet reklamë është kundër çdo të drejte të njeriut, duke cënuar edhe sovranitetin dhe integritetin e grave”.
Besa Neziri, e cila është një dizejnatore dhe profesoreshë tha se çmimi më i shtrenjtë i produkteve për gratë është fenomen global, duke dhënë shembull se produktet e grave kushtojnë 42% më shtrenjtë.
“Edhe pse e kryen efektin e njëjtë rreth 42% janë më të shtrenjta deri të burrave vetëm 18%, duke filluar prej zhiletave që e kryejnë të njëjtin proces, pastaj vitaminat”, është shprehur ajo./InLajmi/
