Rekomandimet e Komisionit për Mbikëqyrjen e Financave Publike për Raportin e Auditimit të performacës zbatimi i rekomandimeve të raportit “Administrimi i programit për trajtim mjekësor jashtë institucioneve shëndetësore publike dhe vlerësimi i rezultateve”, janë votuar me 63 vota për, asnjë kundër dhe asnjë abstenim, raporton InLajmi.
Nga LVV, Mirlinda Sadiku, ka prezantuar para deputetëve disa rekomandime nga ky Komision për ministrinë e Shëndetësisë, me anë të së cilit kërkohet ndryshimi I legjislacionit për trajtim shëndetësor jashtë vendit.
“Ministria e Shëndetësisë të bëjë plotësim ndryshimin e legjislacionit administrativ për trajtim shëndetësore jashtë institucioneve publike. Të bëhet barazimi i plotë financiar çdo gjashtë muaj për të gjitha shërbimet shëndetësore. Bordi dhe drejtori i SHSKUK-së të bëjnë vlerësimin e nevojave dhe ngecjeve me qëllimin të reduktimit të nevojave për trajtim jashtë vendit dhe raportin të i’a paraqes ministrisë së Shëndetësisë dy herë në vit”, është shprehur ajo.
Edhe deputeti, Eman Rrahmani nga LVV-ja, është shprehur se trajtimi shëndetësor jashtë vendit është diçka që duhet të na bëjë të ndihemi keq secilin nga ne.
“SHSKUK të përfshijë informacione të mjaftueshme dhe numër të saktë të nevojave për trajtim jashtë vendit dhe t’ia paraqes Ministrisë”, ka thënë ai.
Ndërsa, Fadil Nura ka thënë se PDK, si grup parlamentar mbështesin të gjitha rekomandimet e dala nga ky Komision.
“Vlerësojmë që rekomandimet e dhëna a janë të harmonizuara udhe në konfirmon që i përkrahim në plotëni rekomandimet e dhëna”, është shprehur ai.
Ndërkohë, nga AAK, është kërkuar një saktësi më e madhe e këtij raporti duke shtuar se ka nevojë të avancohet.
“Vërejta një gjë që janë investuar 30 milionë euro në pajisje medicionale dhe pashë që nuk kanë pasur imapkt në trajtim. Nuk pashë asnjë rekomandim se si të përmirësojmë gjendjen pasi parat nuk po mjaftojkan. Ky draft meriton të avancohet”, u shpreh ai.
Nga LVV, u shpreh edhe deputetja Fatmire Mulhaxha-Kollçaku, duke vënë në theks qëllimin e raportit që sipas saj është për minimizimin e trajtimeve jashtë vendit.
“Në dukje tregon që është një raport teknik por që shfaqet të gjitha problemet që e kanë përcjellë shëndetësinë ndër vite. Qëllimi i këtij raporti është minimizimi i nevojave për trajtim jashtë vendit”, ka thënë ajo./InLajmi/
