Raportuesja për Kosovën në Parlamentin Evropian, Viola Von Cramon pas vizitës disa ditore në Kosovë, ka thënë se ajo ka folur me kreun e Qeverisë, Albin Kurtin për dialogun por jo në terma specifik, raporton InLajmi.
“Natyrisht se kemi folur për dialogun dhe kemi folur për procedurën e tij se si të merret me dialogun, por nuk jemi fokusuar në çështje specifike”.
Cramon, tha se presin një afrim të pozicioneve mes Kurtit dhe Vuçiq, gjatë javevëve në vazhdim, duke shtuar se një gjë e tillë mund te arrihet vetëm me negociata.
“Mendoj që në fillim të dialogut dhe asnjëherë nuk i kam takuar personalisht më përpara dhe shpresoj që në javët e ardhshme do të shohim një ngushtim të pozicioneve, një afrim të pozicioneve origjinale dhe kjo mund të bëhet përmes negociatave”.
Ndër të tjera, Cramon ka folur edhe liberalizmin e vizave për Kosovën, duke thënë se vendi i ka përmbushur kriteret dhe tani është radha e Bashkimit Europian që të mbajë premtimet e dhëna.
“Shpresojmë se në një moment do të shohim qëndrime më pak të polarizuara dhe gjatë presidencës së Gjermanisë kemi mundur ta kemi këtë temë në agjendë derisa Kosova i ka përmbushur kushtet teknike prandaj është çështje e Këshillit të Evropës dhe në këtë pikëpamje disa anëtarë hezitojnë”.
“BE-ja nuk i ka bërë detyrat e shtëpisë dhe Kosova i kanë përmbush kriteret dhe tani është çështje e BE-së që edhe ata t’i mbushin premtimet e tyre dhe po e humb kredibilitetin e saj”.
“Shpresojmë se në një moment do të shohim qëndrime më pak të polarizuara dhe gjatë presidencës së Gjermanisë kemi mundur ta kemi këtë temë në agjendë derisa Kosova i ka përmbushur kushtet teknike prandaj është çështje e Këshillit të Evropës dhe në këtë pikëpamje disa anëtarë hezitojnë”.
Raportuesja poashtu ka komentuar deklaratën e Miroslav Lajçak, që nëse Kosova nuk besim në BE mund të shkojë dikund tjetër, duke thënë se në fakt kjo deklaratë është parafrazuar gabimisht.
“Në lidhje me deklaratën e Lajçakut mendoj që është parafrazuar gabimisht. Nuk mund të punojmë kështu duhet ti përmbahem standardeve”.
Von Cramon poashtu bëri të ditur se Presidentja Osmani, ka dërguar disa herë kërkesa për të marrë mbështetje nga misioni i EULEX-it.
“Pika e dytë që po i referoheni presidentes mirëpo mund të jetë për vazhdimin e EULEX dhe ka dërguar disa kërkesa që të ketë mbështetje nga misioni i EULEX-it dhe është çështja e presidentes që të ia miratojë mandatin dhe për këtë arsye ajo ka ngritur vëmendjen”.
Në konferencën e mbajtur Cramon tha se është takuar edhe më përfaqësuesit e KFOR-it.
“Jemi takuar me përfaqësuesit e KFOR-it pastaj ishte me ministrin nga Lista Serbe që ishte takim interesant në lidhje me perceptimin e tyre të minoriteteve serbe dhe si është bashkëpunimi me Qeverinë e re”, ka shtuar ajo./InLajmi/
