Ganimete Musliu ka mohuar të jetë pjesë e kandidaturave për kryetar të PDK-së, përcjell InLajmi.
Vetë deputetja nga radhët e partisë, është deklaruar se nuk do te jetë kandidate në zgjedhjet e brendshme të paritsë që do të mbahen më 3 Korrik.
Ajo është shprehur se me postimet e saj kohëve të fundit lidhur me kandidaturat nuk ka pasur tendencë të sjellë kuriozitet në opinion rreth kandidimit të saj.
”Nuk kam pasur tendencë që ta bëjë kureshtarë dikë. Kam pasur shumë thirrje telefonike edhe nga mediat”.
”Unë siç e keni pa jam prezantuar në një kryesi pune. Është grupi punues që është caktuar për organizimin e Konventës. Me automatizëm kjo lë të kuptohet se kandidatët e mundshëm nuk kanë të drejtë të jenë pjesë e këtij grupi punues”, është shprehur ajo.
Megjithatë, Musliu e ka lënë të hapur mundësinë e kandidimit për një të ardhme, por jo këtë herë.
”Për ju dhe qytetarët, e në veçanti për anëtarët e PDK-së, ju bëjë me dije se unë nuk do të jem kandidate për kryetare e Partisë Demokratike të Kosovës, të paktën jo kësaj radhe”./InLajmi/
