Në Lagjen e Spitalit në Prishtinë, konkretisht te Shkolla “Pavarësia” sot një person rreth orës 15:40 ka tentuar të vetëvritet, përcjell InLajmi.
Këtë e ka konfirmuar për Gazetën InLajmi, Agron Borovci, zëdhënës i Policisë për Rajonin e Prishtinës.
E për fat të mirë, një gjë e tillë është ndaluar pasi që në në vendngjarje ka dalë Policia e Kosovës, Zjarrfikësit dhe ndihma e shpejtë, të cilët e kanë parandaluar rastin.
“Dyshimet e para janë ngritur për një tentim vetëvrasje të një personi nga një ndërtesë e lartë, ndërkohë që, policia e përkrahur edhe nga ekipe të zjarrfikësve po ndërmerr hapat e duhur me qëllim parandalimin e pasojave të mundshme nga ndonjë veprim i pakontrolluar të personit në fjalë”, ka njoftuar Policia.
Borovci tutje për Gazetën ka njoftuar se rreth orës 18:00 njësitet e specializuara të policisë kanë arritur të depërtojnë në objekt dhe parandalojnë pasojat e rënda për jetën e këtij personi.
Ndërkohë, aktualisht ekipet mjekësore po i ofrojnë trajtimin e nevojshëm personit që ka dashur të vetëvritet, dhe gjithçka është nën kontrollë.
Deklarata e plotë e zëdhënësit të Policisë, Borovcit:
Rreth orës 15:40 policia ka pranuar informatën dhe menjëherë të gjitha njësitë e nevojshme kanë dalë në vendin e ngjarjes.
Dyshimet e para janë ngritur për një tentim vetëvrasje të një personi nga një ndërtesë e lartë, ndërkohë që, policia e përkrahur edhe nga ekipe të zjarrfikësve po ndërmerr hapat e duhur me qëllim parandalimin e pasojave të mundshme nga ndonjë veprim i pakontrolluar të personit në fjalë.
Informacion shtesë:
Rreth orës 18:00 njësitet e specializuara të policisë kanë arritur të depërtojnë në objekt dhe parandalojnë pasojat e rënda për jetën e këtij personi.
Aktualisht ekipet mjekësore po i ofrojnë trajtimin e nevojshëm.
Gjithçka është vënë nën kontrollë./InLajmi/
