Filluan punimet në kuadër të projektit “Subvencione për Efiçiencë të Energjisë-SEEK”, e implementuar nga Fondacioni i Mileniumit i Kosovës, e cila u mbështet nga Korporata e Sfidave të Mileniumit, raporton InLajmi.
Punimet për renovimin e ndërtesave nëpër 7 komuna të ndryshme në Kosovë për efiçiencë filluan në komunen e Lipjanit.
Zëvendësambasadori i SHBA-së në Kosovë, Nicolas Giacobbe tha që ky projekt ka një rëndësi të madhe sepse ekonomia dhe energjia do të krijojnë një sistem stabil në këtë projekt.
“Është e një rëndësie të madhe ky projekt i këtyre punimeve dhe renovimeve, duke bërë kështu që ekonomia dhe energjia të krijoj një sistem stabil në këtë projekt”.
“…kemi punuar shumë në atë se si mund të punojmë dhe çfarë mund të bëjmë në këtë drejtim bashkë me partnerët tanë”, tha Giacobbe.
Drejtori Ekzekutiv i Fondacionit të Mileniumit të Kosovës, Petrit Selimi, tha që ky projekt është shumë i rëndësishëm për komunën e Lipjanit.
“Është një projekt i rëndësishëm par këtë komunë. Janë gjithsej 9 hyrje. Partneriteti ka qenë bashkërisht me ekipet tona, dhe që do ta rrisin efiçiencën elektrike dhe ndihmën për qytetarët e kësaj komune”, tha Selimi.
Sarah Olmstead e cila është drejtoresha ekzekutive eKorporatës së Sfidave të Mileniumit tha që ky partneritet ka shumë rëndësi dhe që shpreson se renovimet e tilla do japing një rezultat të madh në të ardhmen.
“Ky partneritet ka shumë rëndësi sidomos pas një pune të gjatë dhe është kënaqësi të jemi këtu sidomos në përmasimin e fushës së energjisë dhe u dimë problemet e shumta që zakonisht na shfaqen, kështu që shpresoj që renovimet e tilla do japin një rezultat të madh në të ardhmen”, tha ajo.
Kryetari i Lipjanit Imri Ahmeti, tha që ky projekt është një ndihmë e jashtëzakonshme ppër banorët dhe se në këtë projekt përfshihen 143 banesa.
“143 banesa përfshihen në këtë projekt dhe është një ndihmë e jashtëzakonshme për banorët, andaj jam falënderues për këtë projekt. Ne si komunë jemi të fokusuar në këtë investim dhe projekt”, tha Ahmeti. /InLajmi/
