Melisa Lleshi dhe Andi Shehu kanë rezultuar deri më tani një nga çiftet më jetëgjatë të emisionit “Për’puthen”.
Historia e tyre e dashurisë lindi brenda në program me pëlqim të ndërsjellë dhe u finalizua jashtë me një lidhje, që tashmë është konsoliduar dhe qifti edhe bashkëjetojnë.
Ata i shohim kudo vetëm me njëri-tjetrin dhe madje këto kohë është vënë re se janë shkëputur disi nga jeta publike dhe nga paraqitjet televizive.
Ata nuk shihen shpesh në shoqërinë e ish-konkurrentëve të “Për’puthen”, duke shijuar në maksimum vetëm njëri-tjetrin.
Në lidhje me këtë shkëputje nga jeta publike, Andi tha sot në emisionin “E diell” se kanë gjetur rehat dhe se kanë një marrëdhënie të vërtetë bashkë në plot kuptimin e fjalës dhe dëshirojnë të qëndrojnë larg personave tjerë.
“Kemi gjetur rehat për momentin dhe thjesht po e shijojmë. Nuk ma ka mbledhur Melisa. Ne kemi një lloj bashkëbisedimi me njëri-tjetrin, vlen totalisht fjala marrëdhënie që do të thotë merr dhe jep, ne e kemi totalisht të zotëruar dhe për këtë arsye shkojmë shumë mirë. Normalisht si çdo marrëdhënie kemi ato tonat që një herë më ngrihen nervat mua një herë Melisës, por pak rëndësi ka”, tha Andi, shkruan Insajderi.
Nga ana tjetër Melisa u shpreh se e do shumë Andin dhe është e bindur se do jetë bashkë me të në çdo kohë, pavarësisht çdo gjëje që mund të ndodhë.
