Ndikimi më shkatërrues kozmik që ka marrë toka, mendohet të ketë ndodhur 13.000 vjet më parë, transmeton InLajmi.
Sipas ekspertëve, besohet se pas asteroidit që zhduku dinosaurët, goditja e radhës për tokën erdhi 13.000 vjet më parë dhe ndryshoi mënyrën e njërzve në tokë, duke i bërë nga nomadë në të qëndrueshëm gjë që solli krijimin e vendbanimeve.
Nga hulumtimi është vënë në dukje se aktiviteti kozmik mund të ketë bërë ndryshime në klimë si dhe të ketë krijuar një mini epokë akulli që do të ketë zgjatur për rreth 1000 vjet.
Në studim shtohet se para fillimit të periudhës neolitike, e cila shkon nga rreth 10.000 vjet më parë në vitin 4500 para erës sonë, njerëzit nga Egjipti, Iraku dhe Libani, filluan të largohen nga jeta nomade duke u bërë gjuetarë dhe duke krijuar vendbanime të përhershme, shkruan DailyMail.
Spekulohet se ndikimi nga hapësira mund të ketë nxitur në mënyrë dramatike krijimin e vendbanimeve të popujve, megjithëse shkencëtarët nuk janë të sigurt për arsyen, duke shtuar se do të duhen studime dhe hulumtime më të detajuara edhe në vazhdim./InLajmi/
