Inspektorati Policor i Kosovës ka njoftuar se në Hajvali të Prishtinës janë arrestuar 5 zyrtarë policorë të dyshuar për keqtrajtim gjatë ushtrimit të detyrës zyrtare, përcjell InLajmi.
Sipas Inspektoriatit policor kishin pranuar një ankesë lidhur me pretendimet e një qytetari për tejkalim të autorizimeve policor gjatë përdorimit të forcës nga disa zyrtarë policorë në një incident që kishte ndodhur në korrik të vitit të kaluar në Prizren.
Nga kjo kishte rrejdhur që hetuesit e IPK-së të angazhohen se bashku me prokurorin.
Pas këtyre hetimeve kanë arritur në përfundim me arrestimin e 5 zyrtarëve policor, të cilët ishin 4 zyrtar policor dhe një rreshter që punonin në Njesinë Speciale Operative.
Arrestimi i tyre ka të bëjë me dyshimin për kryerjen e veprës penale “keqtrajtim gjatë ushtrimit të detyrës zyrtare” dhe “lëndim i lehtë trupor”, të njëjtit janë dërguar në mbajtje për 48 ku edhe janë suspenduar nga puna.
Postimi i plotë i tij:
Komunikatë për media
Arrestohen pesë zyrtarë policorë të dyshuar për keqtrajtim gjatë ushtrimit të detyrës zyrtare
Prishtinë/Hajvali, 26 qershor 2021,
Inspektorati Policor i Kosovës kishte pranuar një ankesë lidhur me pretendimet e një qytetari për tejkalim të autorizimeve policore gjatë përdorimit të forcës nga disa zyrtarë policorë në një incident që kishte ndodhur në korrik të vitit të kaluar në Prizren.
Hetuesit e IPK-së pas pranimit të rastit janë angazhuar duke ndërmarrë veprime hetimore lidhur me këtë rast në koordinim me Prokurorinë Themelore në Prizren që kanë përfshirë marrjen e deklaratave nga dëshmitarët okular si dhe sigurimin e disa audio incizimeve ditëve të fundit.
Pas veprimeve hetimore, në konsultim me prokurorinë e Prizrenit, hetuesit e IPK-së kanë arrestuar sot pesë zyrtarë policorë që ishin të përfshirë si të dyshuar në këtë incident (një rreshteri dhe katër zyrtarëve policorë – që të gjithë punonjës në Njësinë Speciale Operative).
Arrestimi i tyre është bërë me dyshimin se të njëjtit kanë kryer veprën penale “keqtrajtim gjatë ushtrimit të detyrës zyrtare” dhe “lëndim i lehtë trupor” kurse me vendim të Prokurorisë Themelore në Prizren të njëjtëve u është caktuar masa e ndalimit për 48 orë si dhe janë suspenduar nga detyra.
Veprimet e mëtutjeshme hetimore lidhur me këtë rast për të sqaruar rrethanat e këtij incidenti do të vazhdojnë nga hetuesit e IPK-së në konsultim të vazhdueshëm me prokurorin përgjegjës. /InLajmi/
