Policia e Kosovës ka njoftuar se në orët e pasditës ka ndodhur një aksident trafiku në autostradën Ibrahim Rugova dhe si pasojë e këtij aksidenti një person ka humbur jetën, përcjell InLajmi.
Baki Kelani zëdhënës i Policisë, ka deklaruar për Gazetën InLajmi se aksidenti ka ndodhur mes 2 veturave në dalje të Malishevës, ku ka shtuar se Policia ka njoftuar menjëhere ekipin mjekësor, dhe sipasojë e këtij aksidenti një person ka humbur jetën.
Tutje Kelani ka bërë të ditur se në bazë të informacioneve të para një vetur ka qenë e ndalur në shiritin emergjent dhe automjeti tjetër kombi dyshohet se e ka goditur veturën e ndalur.
“Policia e Kosovës, në orët e pasdites ka pranuar një informacion se në autostradën Ibrahim Rugova afër daljes së Malishevës, ka ndodhur një aksident trafiku në të cilin janë përfshirë dy automjete. Njësitet relevante policore menjëherë kanë dalur në vendngjarje, për tu marrur me rastin. Policia në vendngjarje ka ftuar edhe ekipet mjekësore të cilët kanë konfirmuar se si pasojë aksidentit një person ka humbur jetën. Njësitet policore janë duke hetuar shkaqet dhe rrethanat të cilat kanë quar deri te aksidenti, ku bazuar në informacionet e para dyshohet se një automjet ka qenë i ndaluar në shiritin emergjent dhe automjeti kombi në lëvizje dyshohet se e ka goditur automjetin e ndaluar. Rasti është duke u hetuar nga njësitet relevante të trafikut”, ka deklaruar Kelani. /InLajmi/
