Në ditën e sotme fillimisht u njoftua për mbajtjen e senacës gjyqësore ndaj Enver Sekiraqës në rastin Triumf Riza, përcjell InLajmi.
Pas këtij njoftimi, në media filluan të qarkullojnë lajme të tilla drejtuar Burgut të Sigurisë së Lartë, se Enver Sekiraqa nuk është sjellur në gjykatë, dhe si pasojë e kësaj ka dështuar gjykimi.
Pas këtyre lajmeve ka pasur një reagim nga Shërbimi Korrektues i Kosovës, ku është njoftuar opinion public se nuk kanë pasur asnje urdhëresë për të dërguar në seancë personin në fjalë, ata kanë kërkuar nga mediat që të kontaktojnë për verifikim informacioni para se të shkruajnë lajme të tilla.
Njoftimi nga Shërbimi Korrektues i Kosovës:
Shërbimi Korrektues i Kosovës, reagon lidhur me shkrimin e publikuar neper media, të titulluar: “Burgu i Sigurisë së Lartë nuk e sjell Enver Sekiraqën në gjykatë, dështon rigjykimi”. Pas këtij shkrimi të publikuar, Shërbimi Korrektues i Kosovës njofton opinionin publik se, SHKK nuk ka pasur ansnjë urdhëresë për ta derguar sot në seancë personin në fjalë. Kërkojmë nga mediat që para publikimit të shkrimeve të tilla, të na kontaktojnë për të verifikuar informacionin. Shërbimi Korrektues i Kosovës do të vazhdoj të mbetet i përkushtuar për transparencë të plotë para qytetarëve./InLajmi/
