John McAfee, krijuesi i softuerit antivirus, i cili ka pasur disa herë problem me ligjin amerikan, ka vdekur në moshën 75 vjeçare, transmeton InLajmi.
McAffe ka humbur jetën në një burg spanjoll nga ku po priste ekstradimin, pas akuzave për evasion fiskal në SHBA.
Ai u gjet i vdekur në qelinë e tij në një burg pranë Barcelonës të mërkurën rreth orës 13:00, shkaku i vdekjes së tij akoma nuk është bërë i ditur.
Ndërsa, në një deklaratë nga Departamenti i Drejtësisë i qeverisë rajonale të Katalonjës, i cili administron burgjet, u tha se personeli mjekësor i burgut dhe rojet janë përpjekur të kryenin procedura shpëtimi të jetës pasi gjetën McAfee, por ishin të pasuksesshëm. Nga deklarata u nxorrën dyshime se McAffe mund të ketë kryer vetëvrasje.
Vdekja e tij erdhi pas një vendimi nga një panel prej 3 gjyqtarësh në Gjykatën Kombëtare të Spanjës në Madrid këtë javë që ai të ekstradohej në Shtetet e Bashkuara për t’u përballur me akuzat atje, shkruan CNN.
McAfee u arrestua në Spanjë në Tetor, pasi dyshohet se nuk kishte regjistruar taksa për 4 vjet, megjithëse fitoi miliona të ardhura midis 2014 dhe 2018 nga promovimi i kriptomonedhave, konsultimi i punës, angazhimet e të folurit dhe shitja e të drejtave për historinë e tij të jetës për një dokumentar./InLajmi/
