Aktorja e njohur Adriana Matoshi, njëherësh deputete në Kuvendin e Kosovës, ka reaguar ndaj trafikut në kryeqytet duke treguar zgjedhjen e saj të re të transportit, përcjell InLajmi.
Matoshi përmes një postimi në Instagramin e saj, ka shpërndarë një fotografi ku shihet me biçikletë elektrike duke i vënë mbishkrimin se është zgjedhja më e mirë për të arritur me kohë në punë si dhe duke i përmendur efektet pozitive që ka në shëndet ngasja e biçikletës.
Ajo shtoi se, kjo mënyrë udhëtimi në të njejtën kohë është më e pastër dhe më e freskët.
Postimi i plotë i saj:
Në këtë kohë u bo vështirë me mbrri në punë me kohë. Kolonat ma nxijtën jetën edhe mushknitë e zeza po na bohën çdo ditë e ma shumë prej veturave. Ma paqt, ma lehtë edhe ma fllad me biçikletë elektrike...… Kështu e mbrojmë edhe natyrën, gjënë kryesorë për shëndetin tonë! Mua më pëlqeu shumë dhe jam ndarë e kënaqur, tash e provoj edhe trotinetin. /InLajmi/
