Ministri i Zhvillimit Rajonal, Fikrim Damka dhe Këshilltari Kryesor Ergin Bunjaku vizituan Odën e Tregtisë të Ankarasë si pjesë e vizitave të tyre zyrtare në Ankara, përcjell InLajmi.
Kryetari i Bordit të Odës së Tregtisë të Ankarasë Gürsel BARAN, nënkryetari Halil İbrahim Yilmaz dhe anëtarët e bordit të drejtorëve mirëpritën Ministrin Fikrim DAMKA në një atmosferë të ngrohtë dhe miqësore, të shoqëruar edhe nga një shtetas i Kosovës, biznesmen i Ankarasë Hıvzi Kuruşa.
Në takim duke vlerësuar rëndësinë e madhe të investitorve nga Turqia të biznesit në Kosovë, u diskutuan mundësitë e investimeve dhe mundësitë e bashkëpunimit dhe investimit në Kosovë si shteti më i ri në Evropë.
Në fjalimin e tij Baran deklaroi se Ballkani, i cili përfshin Kosovën, ka një rëndësi të veçantë për sa i përket politikave ekonomike dhe politike të Turqisë. Gjithashtu Baran theksoi se “Tregtia midis vendeve tona është akoma në nivelin e miliona dollarëve, nuk është e mundur të jemi të kënaqur me këtë shifër. Si ATO, ne jemi të gatshëm të bëjmë gjithçka që mundemi për ta sjellë tregtinë tonë në nivelin e miliard dollarëve sa më shpejt të jetë e mundur “. (https://www.aa.com.tr/tr/ekonomi/ato-baskani-baran-kosova-ile-ticareti-milyar-dolar-duzeyine-cikarmak-icin-haziriz/2282788)
Së bashku me qeverinë e sapo themeluar, Ministria e Zhvillimit Rajonal bëri përpjekjet e nevojshme nga Turqia për të rritur numrin e bizneseve në rajonet zhvillimore të Kosovës, për të rritur prodhimin dhe punësimin si dhe mundësitë e investimeve të përgjithshme, për të mundësuar zhvillimin socio- ekonomik të rajoneve krahasuar me rajonet e zhvilluara. Prezantimi i mundësive të investimeve ishte ndër çështjet kryesore.
Pas vizitës së delegacionit në Kosovë në ditët në vijim, do të bëhet një vlerësim në terren dhe palët u dakorduan për një bashkëpunim të rëndësishëm në të ardhmen. /InLajmi/