Nga Agjencia Evropiane e Hapësirës është shfaqur një emocion i madh, nga numri i njerëzve që kanë aplikuar për t’u bashkuar me trupat e astronautëve, transmeton InLajmi.
Në total 22.589 individë kanë plotësuar formularin e aplikimit në internet, shifër kjo 2 herë e gjysmë më e lartë se në procesin e kaluar konkurrues që u zhvillua në vitin 2008.
Një gjë që ka tërhequr vëmendjen, ishte numri i lartë i aplikimit nga ana e femrave, ku gjithsejtë ishin pranuar 5.419 aplikime, krahasuar me herën e kaluar që ishin vetëm 1.287.
Përzgjedhjet për astronaut do të bëhen në vitin 2022.
Ndërsa, drejtori i përgjithshëm i Agjencisë, Josef Aschbacher u shpreh me fjalët se janë të habitur nga aplikimet e shumta, shkruan BBC.
“Ne të gjithë jemi habitur. Për mua, është një shprehje shumë e fortë interesi dhe entuziazmi që njerëzit kanë në të gjithë Evropën për tu bërë astronaut në hapësirë.”
Nga gjithë numri i aplikuesëve, nga Agjencia u tha se do të ipen maksimumi 6 kontrata për astronaut, por gjithashtu ka treguar se do të mbajë rreth 20 persona në gatishmëri në rast të shfaqjes së mundësive të reja.
