Kryeministri i Kosovës ende nuk ka raportuar në Kuvend për takimin e parë me Presidentin e Serbisë.
Për të raportuar dhe paraqitur një platformë për dialogun, opozita vazhdon të kërkojë çdo herë nga Qeveria e Albin Kurtit.
Se është koha që Qeveria të paraqesë platformën dialoguese, e thotë edhe politologu Fidan Ukaj, sipas të cilit, tashmë Kurti është njoftuar mjaftueshëm me procesin e takimeve dhe përmbajtjen e dialogut.
Se bartësi i dialogut obligohet të raportojë dhe të paraqesë dokumentin themelor mbi këtë proces, e thotë edhe Rezoluta e 10 marsit 2011 e Kuvendit, për çka edhe partia e Kurtit pati votuar, përcjell KlanKosova.
Porse nga zyra e Kryeministrit kanë thënë se ende nuk ka agjendë të dakorduar të dialogut.
