Ka vazhduar edhe ditën e sotme vaksinimi masiv në sallën “1 Tetori”, raporton InLajmi.
Në një konferencë të mbajtur për media, Koordinatori i Qendrës së Vaksinimit, Niman Bardhi, informoi se deri më tani në këtë qendër janë vaksinuar mbi 250 persona, kurse në nivel vendi janë dhënë rreth 3.500 doza.
“Aktualisht 250 persona e kanë marrë vaksinën në sallën ‘1 Tetori’, mbi 3 500 vaksina janë dhënë në nivel vendi, kurse nga fillimi atë e kanë marrë mbi 138 mijë persona”.
Bardhi ka njoftuar se që nga fillimi i procesit të vaksinimit në muajin Mars, janë vaksinuar gjithsejtë 138.000 njerëz.
Koordinatori, ka bërë thirrje për qytetarët që të aplikojnë dhe të presin konfirmimin për tu vaksinuar.
“Mënyra e aplikimit bëhet në E- Kosova gjë që nuk menaxhohet nga ne dhe mu në momentin kur iu caktohet termini për tu vaksinuar edhe ne e shohim këtu në sistem që e kemi dhe ai e merr vaksinën. Mirëpo personat që vetëm kanë aplikuar dhe iu është caktuar termini normalisht ata e kanë ndjenjën e pakënaqësisë. Shumica e qytetarëve po tentojnë të vijnë vetëm sipas mënyrës së aplikimit dhe kjo neve po na paraqet mbingarkesë”.
“Lus qytetarët pa dallim duhet të aplikojnë në E Kosova dhe nëse i referohemi të sëmurëve kronik duhet të dëshmojnë mbi problemet që kanë dhe kategorinë e tretë e kemi pjesëtarët e FSK, Policinë dhe mësimdhënësit. Vaksina ka situata me të reduktuar është mos caktimi i terminit. Sipas planit të veprimit procesi do të zbatohet gjatë gjithë javës me 13 orë pune” ./InLajmi/
