Në garat kombëtare “Ushtari më i mirë” në Kroaci, vendin e parë e ka zënë një pjestar i FSK-së, përcjell InLajmi.
Në Poligonin Ushtarak “Eugen Kvaternik” në Slunj të Kroacisë, u mbajt gara ndërkombëtare e “Ushtarit më të mirë” për vitin 2021.
Kjo garë u realizua gjatë kohës 13-19 Qershor 2021, ku pjesë e kësaj gare ishin edhe 2 pjestarë nga FSK-ja, si dhe ushtarë nga Shqipëria, Bosnja dhe Hercegovina, Maqedonia e Veriut, Sllovenia, Franca, SHBA dhe Britania e Madhe.
Me angazhimin dhe përkushtimin, si dhe performancën e lartë të treguar gjatë kësaj gare, tetari Sokol Ahmeti nga Regjimenti i Parë i Këmbësorisë i Komandës së Forcave Tokësore të FSK-së, në mesin e shumë garuesve ka arritur të dalë i pari, duke u shpallur Ushtari më i Mirë Ndërkombëtar për vitin 2021.
Në njoftim thuhet se kjo garë ka qenë shumë e rëndë, por me sukses ka arritur ta kalojë edhe një pjesëtare tjetër nga FSK-ja, ushtarja Endrita Brahimi.
Pjesëmarrsit në këtë garë kanë kaluar disa vështirësi, ku pjesë e kësaj gare ishte edhe rruga me gjatësi prej 30 kilometrave.
Ata thonë se, rezultati i arritur dëshmon profesionalizëm dhe përgatitje të lartë që kanë pjesëtarët e FSK-së.
Njoftimi i plotë i FSK-së:
Pjesëtari i FSK-së, rrëmben vendin e parë në garën ndërkombëtare “Ushtari më i mirë” në Kroaci
Në Poligonin Ushtarak “Eugen Kvaternik” në Slunj të Kroacisë, u mbajt Gara ndërkombëtare e “Ushtarit më të mirë” për vitin 2021.
Gara e “Ushtarit me të mirë” u realizua në periudhën kohore 13-19 Qershor 2021, ku pjesë e saj ishin edhe dy pjesëtarë të Forcës së Sigurisë së Kosovë ( FSK ) si dhe ushtarak nga Shqipëria, Bosnja dhe Hercegovina, Maqedonia e Veriut, Franca, Sllovenia, Shtetet e Bashkuara te Amerikës dhe Britania e Madhe.
Me përkushtimin, angazhimin dhe përformancen e lartë të treguar gjatë kësaj gare, tetar Sokol Ahmeti nga Regjimenti i Pare i Këmbësorisë i Komandës së Forcave Tokësore të FSK-së në mesin e shumë garuesve ka arritur të dal i pari, duke u shpallur Ushtari më i Mirë Ndërkombëtar për vitin 2021.
Edhe pse gara ka qenë sfide mjaft e rëndë me sukses ka arritur që ta përfundoj edhe garuesja tjetër FSK-së ushtar Endrita Brahimi. Pjesëmarrësit e kaluan së bashku në disa vështirësi , ku pjesë e saj ishte edhe përshkuar rrugës me gjatësi prej 30 kilometra, duke ekzekutuar 12 disiplina Ushtarake.
Pjesëmarrja në gara të tilla, promovon vlerat dhe shkëmbimin e përvojave, ndërsa rezultati i arritur dëshmon edhe njëherë profesionalizmin dhe përgatitjen e lartë që kanë pjesëtaret e FSK-së. /InLajmi/
