Konjufca takim me homologun gjerman, u bisedua për procesin e liberalizimit të vizave

Kryetari i Kuvendit të Kosovës, Glauk Konjufca së bashku me Shefin e Stafit, Ilir Kërçeli, me ambasadorin Beqë Cufaj dhe diplomaten Valëza Oruqin kanë takuar kryetarin e Budaestagut, Dr. Wolfgang Schauble, përcjell InLajmi.

Konjufva këtë takim e ka quajtur të përzemërt, ku i është falenderuar Dr. Schauble për mbështetjen e vazhdueshme të Gjermanisë për Kosovën.

Ndër të tjera nga Kuvendi i Kosovës është bërë e ditur se në këtë takim është diskutuar për zhvillimet historike e politike për Kosovën dhe rajonin, si dhe për sfidat që paraqiten në rrugëtimin e stabilizimit të rajonit.

Postimi i plotë i tij:

Sot bashkë me Shefin e Stafit Ilir Kërçeli, ambasadorin Beqë Cufaj dhe diplomaten Valëza Oruqi pata nderin ta takoj Dr. Wolfgang Schauble kryetarin e Bundestagut.

Në takimin e përzemërt me Dr Schauble ju falenderova për mbështetjen e vazhdueshme të Gjermanisë për Kosovën.

Diskutuam gjatë rreth zhvillimeve historike e politike për Kosovë dhe rajon, si dhe për sfidat që paraqiten në rrugëtimin e stabilizimit të rajonit, luftimin e pandemisë, rimëkëmbjen ekonomike dhe dialogun me Serbinë, si dhe finalizimin e procesit te liberalizimit të vizave.

Bundestagu dhe institucionet gjermane qëndrojnë fuqishëm pranë dhe me popullin e Kosovës. /InLajmi/