Kandidati për kryetar të komunës së Prishtinës nga radhët e AAK-së, Daut Haradinaj, ka kërkuar reformë në administratën e Komunës së Prishtinës, përcjell InLajmi.
Ai tha se digjitalizimi dhe e-Qeverisja e avancuar do të jenë pikë e fortë e programit të tij.
“Reforma në administratë të Komunës së Prishtinës është e domosdoshme. Digjitalizimi dhe e-Qeverisja e avancuar do të jenë pikë e fortë e programit tonë. Deri në implementim të këtij projekti do të shtojmë kapacitetet e stafit që t’i trajtojmë qytetarët me dinjitet, pa radhë dhe me efektivitet”ka shkruar Haradinaj në llogarinë e tij Facebook.
Ndër të tjera Haradinaj tha se qytetarët nuk mund të presin me orë të tëra për çertifikatë të tatimit në pronë, ku digjitalizimi i këtij sektori nuk kërkon kosto të madhe.
Postimi i plotë i tij:
Reforma në administratë të Komunës së Prishtinës është e domosdoshme.
Digjitalizimi dhe e-Qeverisja e avancuar do të jenë pikë e fortë e programit tonë. Deri në implementim të këtij projekti do të shtojmë kapacitetet e stafit që t’i trajtojmë qytetarët me dinjitet, pa radhë dhe me efektivitet.
Qytetarët tanë nuk mund të presin me orë të tëra për çertifikatë të tatimit në pronë, edhe pse i njëjti i ka paguar.
Digjitalizimi i këtij sektori nuk kërkon kosto por thjesht duhet të ndodhë. /InLajmi/
