Numri i vdekjeve nga koronavirusi në Brazil i ka kaluar 500.000, duke u bërë kështu shteti i 2 me numrin më të lartë të vdekjeve në botë.
Ekspertët i tremben faktit se shpërthimi i pandemisë mund të përkeqësohet për shkak të vaksinimit të ngadaltë dhe fillimit të dimrit.
Instituti shëndetësor Fiocruz thotë se situata është “kritike” dhe se vetëm 15% e të rriturve janë vaksinuar plotësisht.
Nga ana tjetër Presidenti Jair Bolsonaro refuzon të mbështesë masa si distancimi fizik. Po ashtu ai është kritikuar rëndë për moszbatimin e një përgjigje të koordinuar kombëtare dhe për skepticizmin e tij ndaj vaksinave, bllokimeve dhe kërkesave për mbajtjen e maskave, shkruan BBC.
Opozita akuzon presidentin për vonimin e blerjes së vaksinave për arsye politike, pasi ai vazhdimisht ka ulur ashpërsinë e pandemisë.Një mesatare prej 70.000 rastesh me koronavirus janë konfirmuar çdo ditë në javën e fundit në Brazil, përcjell Top-chanel.tv
Shkalla e përdorimit të shtretërve në njësitë e kujdesit intensiv mbetet në ose mbi 80% në shumicën e shteteve, dhe ekspertët paralajmërojnë se fillimi i dimrit në hemisferën jugore, javën e ardhshme, mund të sjellë më shumë infeksione.
