Ish-deputeti i Partisë Demokratike të Kosovës, Sejdi Hoxha, i bëri thirrje publike Kryeministrit Kurti dhe Ministrit të Infrastrukturës Liburn Aliut, përcjell InLajmi.
Hoxha përmes një postimi në Facebook tha që janë ndarë mjetet financiare për zgjerimin e “Rrugës Rajonale R102, Segmenti Kmomoran-Morinë” me një gjatësi rreth 17 kilometra, por Qeveria e kaluar po edhe kjo aktuale nuk po fillojnë punimet në këtë projekt.
Ai tha që ky projekt i zgjerimit të kësaj rruge me 4 korsi ka rëndësi të veçantë në aspektin historik dhe ekonomik, sepse së pari krijon mundësi më të lehta për qytetarët të vizitojnë Kompleksin Memorial në Prekaz dhe së dyti ky projekt i siguron Drenicës transport më të shpejtë të udhëtarëve dhe mallrave si dhe ndihmon Drenicën në zhvillimin ekonomik të saj.
Postimi i plotë i tij:
Thirrje publike për Kryeministrin Albin Kurti dhe Ministrin e Infrastrukturës Liburn Aliu.
Mos e bllokoni Drenicën me investime vetëm pse mendon ndryshe politikisht nga ju.
Edhe pse në Ligjin e buxhetit për vitet 2020 dhe 2021 janë ndarë mjete financiare për zgjerimin e “Rrugës Rajonale R102, Segmenti Komoran-Morinë” me një gjatësi rreth 17 kilometra qeveria e kaluar por edhe kjo aktuale nuk po nisin punimet në këtë projekt.
Projekti i zgjerimit të kësaj rruge me 4 korsi ka rëndësi te veçantë në aspektin historik dhe ekonomik, së pari krijon mundësi më të lehta për të gjithë qytetarët të cilët në baza ditore vizitojnë kompleksin memorial në Prekaz.
Dhe së dyti ky projekt ka një rëndësi te veçantë për Drenicën sepse siguron transport më të shpejtë të udhëtarëve dhe mallrave e në këtë mënyrë e ndihmon Drenicën dhe zhvillimin ekonomik te saj. Prandaj kërkoi nga qeveria që sa më shpejtë të fillon punimet për zgjerimin e kësaj rruge.
Këtë problem e kam ngritur si deputet edhe ne Kuvendin e Kosovës në Tetor të vitit 2020. (https://www.facebook.com/…/sot-n%C3…/1739970419513737/)
Kjo qeveri duhet t’i trajtoi qytetarët në formë të barabartë pavarësisht bindjeve të tyre politike, përmes këtij postimi i kërkoi Kryeministrit Albin Kurti dhe Ministrit Liburn Aliu që të mos i hakmerren Drenicës për shkak që populli mendon ndryshe politikisht nga ta./InLajmi/
