Presidentja Osmani përkujtoi Nekibe Kelmendin, në 10 vjetorin e vdekjes së saj, përcjell InLajmi.
Osami tha se ajo ishte ndër intelektualet më të shquara në vendin tone dhe veprimtare e paepur për pavarësi.
Ajo tha se Nekibe Kelmendi ishte ndër juristet e para në Kosovë, që nuk reshti së punuari për të mbrojtur të drejtën e Kosovës për të qenë e lirë dhe e pavarur.
Osmani e kujtoi Kelmendin, si grua të pathyeshme, e cila e kaloi çdo sfidë dhe nuk u dorëzua asnjëherë, pavarsisht fatit të saj tragjik ku humbi burrin dhe dy djemtë e saj.
Ajo nuk u dorëzua asnjëherë dhe këtë humbje e ka shëndrroi në një motiv për punë, tha presidentja.
Postimi i plotë i saj:
Dhjetë vjet më parë kaloi në amshim znj. Nekibe Kelmendi. Ajo ishte njëra ndër intelektualet më të shquara të Kosovës dhe veprimtare e paepur për pavarësimin e vendit tonë.
Si njëra ndër juristet e para në Kosovë, gjatë gjithë jetës së saj nuk reshti së punuari për ta mbrojtur të drejtën e Kosovës për të qenë e lirë dhe e pavarur.
Si model i gruas së emancipuar dhe të guximshme, ajo e gëzoi respektin e të gjithëve për përkushtimin e saj për jetësimin e shtetit të Kosovës.
Znj. Kelmendi dha shembullin e gruas së pathyeshme, e cila pavarësisht vështirësive dhe sfidave nuk u dorëzua asnjëherë, madje edhe atëherë kur fati tragjik i saj dhe i Kosovës, bëri që ajo të humbte bashkëshortin dhe dy djemtë. Këtë humbje ajo e shndërroi në mjet qëndrese e në mjet për bashkëveprim politik.
Ajo gjeti forcën që humbjen ta shndërronte në motivim për punë edhe më të madh për idealin e saj e të qytetarëve të saj. Ajo nuk u dorëzua para asnjë vështirësie. Shembulli i saj për ruajtjen e sistemit unik të gjyqësorit në Kosovë sot e kësaj dite mbetet njëri ndër shembujt e vyer për jetësimin e shtetësisë së Kosovës.
Sot Kosovës i duhen gra e burra të dinjitetshëm e me integritet sikur Nekibja. /InLajmi/
