Presidentja Osmani merr pjesë në samitin vjetor të Procesit të Bashkëpunimit në Evropën Juglindore, përcjell InLajmi.
Osmani në këtë samit mbajti fjalim para përfaqësuesve të vendeve antare të këtij forumi, ku ka folur mbi sfidat e rajonit, procesin e integrimit në BE, si dhe për mundësitë e bashkëpunimit rajonal.
Ajo në një postim në Facebook ka treguar për këtë takim, ku ka theksuar se bashkëpunimi rajonal është i domosdoshëm, por edhe i mundur nëse mbështetet në njohje dhe respektimin e njëri-tjetrit.
Në këtë fjalim Osmani i’u bëri thirrje vendeve të cilat nuk e kanë njohur ende pavarsinë e Kosovës që ta njohin sa më parë atë, ngase ai është realitet i pakthyeshëm, si dhe ta respektojnë plotësisht sovranitetin dhe integritetin territorial të vendit tonë.
Postimi i plotë i saj:
Me ftesë të nikoqirit të sivjetëm, Presidentit të Republikës së Turqisë, z.Erdogan, po marr pjesë në samitin vjetor të Procesit të Bashkëpunimit në Evropën Juglindore (SEECP). Në fjalimin tim para përfaqësuersve të vendeve anëtarë të këtij forumi, kam folur mbi sfidat e rajonit, procesin e integrimit në BE, si dhe mbi mundësitë e bashkëpunimit rajonal. Ndër të tjera, kam theksuar se bashkëpunimi rajonal është i domosdoshëm, por edhe i mundur, nëse mbështetet në njohjen dhe respektimin e njëri-tjetrit. Prandaj u bëra edhe një herë thirrje vendeve të cilat nuk e kanë njohur ende pavarësinë e Kosovës që ta njohin sa më parë atë, ngase ai është realitet i pakthyeshëm, si dhe ta respektojnë në plotni sovranitetin dhe integritetin territorial të vendit tonë. Integrimi euroatlantik nuk përbën vetëm një alternativë për ne, ai parqet rrugën e vetme përpara. Por, përkushtimi ynë ndaj integrimeve duhet të njihet nga Bashkimi Europian. Siç po lëvizim ne me shpejtësi drejt integrimit të vendit tonë, duke i përmbushur të gjitha kërkesat e parashtruara ndaj nesh, edhe Bashkimi Europian duhet ta vlerësojë angazhimin e qytetarëve të Kosovës dhe ta mbajë premtimin për liberalizim të vizave.
Ndërkaq, sot fillon Antalya Diplomatic Forum, ku së bashku me presidentë, kryeministra e ministra nga shumë vende të botës do të diskutojmë një sërë temash, nga sfidat e pandemisë e deri te sfidat e qeverisjes globale./InLajmi/
