Shefja e Grupit Parlamentar të Lëvizjes Vetëvendosje Mimoza Kusari-Lila, komentoi deklaratat e opozitës që kanë akuzuar këtë parti për kapje të shtetit, përcjell InLajmi.
“Ne si kryesi kemi pranuar raportin e Komisionit për mediet administratë publike dhe qeverisje lokale që ka vendos që për shkak të shkeljeve të këtij Këshillit të Mbikëqyrjes së Shërbimit Civil të Kosovës që ka rekomanduar shkarkimin e 5 anëtarëve. Nga grupet tjera të partive politike u kërkua kthimi prapa sepse nuk ka pasë arsye të mjaftueshme”, tha Kusari-Lila.
Kusari-Lila u shpreh se është bërë praktikë e partive opozitare që të akuzohemi e të etiketohemi që kinse dëshirojmë të bëjmë shkelje e të kapim institucione, përderisa gjithçka është sipas rregulloreve dhe ligjeve.
“Praktikë e partive opozitare është bërë që të akuzohemi e të etiketohemi që kinse dëshirojmë të bëjmë shkelje e të kapim institucione përderisa gjithçka është sipas rregulloreve dhe ligjeve, unë mendoj që nuk po munden me pranua realitetin”, deklaroi ajo.
Ajo shtoi se shkarkimi i Dakës nga Komisioni Qendror i Zgjedhjeve është bërë sipas depozitave ligjore./InLajmi/
