Inspektorati bashkë me policinë i’u vërshuan sheshit të Prishtinës, arsyja shitësit ambulantë, përcjell InLajmi.
Alban Ymeri, shef i sektorit të rendit komunal në komunën e Prishtinës, tha se kanë angazhuar një ekip të veçantë vetëm për mbikqyrje të sheshit.
Ymeri u shpreh se të gjithë ata që funksionojnë ilegalisht do të i’u konfiskohet malli dhe do të gjobiten.
“Po ne si Inspektorat i rendit komunal edhe përkundër angazhimeve që i kemi në terren, jemi vazhdimisht prezentë në shesh, mirëpo tani jemi duke caktuar ekipe të veçanta të cilët kanë për të mbikëqyrë vetëm sheshin, ashtu që të garantohet rend dhe rregull në sheshet kryesore të sheshit dhe të qytetit. Gjithë atyre të funksionojnë ilegalisht, inspektorët do t’u shqiptojnë gjoba dhe do t’i konfiskojnë ato mallra të cilat i prezantojnë përpara në shesh. Dje dhe sot kemi pasë aksion me policinë, dhe bashkë me kompaninë tonë kemi dal në mënyrë që të gjithë ata që s’largohen t’u konfiskohet edhe malli, përveç procedurave ligjore që merren ndaj tyre”.
Ymeri tha se në atë pjesë te Prishtinës cdo ditë konfiskojnë mallra.
“Në periudhën verore kemi mjaftë shitës ambulantë të cilët e frekuentojnë sheshin, disa automjete të vogla të cilët po i shfrytëzojnë disa përdorues aty, të njëjtit janë konfiskua shumë herë, janë gjobit shumë herë, mirëpo ne do të vazhdojmë punën tonë dhe do të marrim masa ligjore ndaj tyre”.
Gjithashtu ai tregoi që vetëm disa kioska, kanë leje për qendrimin e tyre në sheshe, po që komuna po pritet t’ua vazhdojë lejën. Ndërsa ato që janë pa leje do t’i largojmë,tha Alban Ymeri. /InLajmi/
