Kina këtë fundjavë do të arrijë një shifër rekord për numrin e vaksinimeve, transmeton InLajmi.
Shifra marramendëse e vaksinimit kundër koronavirusit në Kinë do të jetë 1miliardë doza, një shpejtësi e pakonkurueshme nga çdo vend tjetër në botë.
Deri të mërkurën, Kina kishte dhënë më shumë se 945 milionë doza vaksinash, trefishin e dhënë në Shtetet e Bashkuara dhe pothuajse 40% të shkallës së dhënë në gjithë botën.
Sipas të dhënave nga Komisioni Kombëtar i Shëndetit i Kinës, vendi arriti milionat e parë të vaksinimit 2 javë më vonë se SHBA, por numri i të vaksinuarëve u rrit ndjeshëm në muajin Maj, duke arritur një shifër prej 500 milionë, brenda muajit.
Vetëm për një ditë është bërë e ditur se është arritur dhënia e më shumë se 20 milionë dozash. Me këtë ritëm që Kina po ndjek, është parashikur që deri në fundjavë, të tejkalojë 1 miliardë doza, shkruan CNN.
Vaksinimi i një vendi me 1.4 miliardë njerëz kundër koronavirusit, është një hap masiv. Për shkak të kontrollit të suksesshëm të koronavirusit nga Kina, shumë banorë nuk e panë të rëndësishëm vaksinimin dhe fillimisht e morën me hezitim. Por, tani Kina qëndron në vend të parë me numrin më të lartë të të vaksinuarëve në botë./InLajmi/
