Shefi i Grupit Parlamentar të Lidhjes Demokratike të Kosovës Arben Gashi foli për çështjen e ish-kryetares së Komisionit Qendror të Zgjedhjeve Valdete Daka, ku tha që do të presim vendimin e Avokatit të Popullit dhe pastaj do të rishqyrtojmë mundësinë e dhënies së nënshkrimeve për ta dërguar në Gjykatën Kushtetuese vendimin e Presidentes Osmani, raporton InLajmi.
Gashi tha që të marten do të mbahet mbledhja e rregullt e kryesisë së Kuvendit kurse të enjten do të mbahet seanca e ardhshme.
“Janë 2 probleme madhore. Tendenca e LLV të prish balancën sa i përket përfaqësimit të anëtarëve nga Kosova për Marrëveshjen e Stabizilim Asocimit. Çështja e 2-të e rëndësishme është rekomandimi për shkarkimin e Këshillit të Pavarur të Mbikëqyrës të Shërbimit Civil të Kosovës. Është një raport i mangët. Ka një shkelje kur është rikthyer në punë një anëtar”,tha Gashi.
“Politika e kapjes “krejt dhe drejtë” është e gabueshme. Po ndodhë prekje e institucioneve të pavarura. Ne jemi këtu më ngrit shqetësimet për ato që priten me ndodhin. Ne përkrahim mendimi e zonjës Daka se ajo do të ndjekë fillimisht vetë rrugët ligjore për këtë çështje. Presim që njëherë të merret Avokati i Popullit në këtë drejtim”,deklaroi Gashi.
Kujtojmë se, AAK dhe PDK kanë dhënë nënshkrimet për ta dërguar vendimin e Presidentes Osmani në Gjykatën Kushtetuese. /InLajmi/
