Ministri i Punëve të Jashtme, Bujar Osmani, është takuar me Ministrin e Punëve të Jashtme të Republikës së Turqisë, Mevlut Çavusoglu, në kuadër të takimeve që po mbahen për Procesin për Bashkëpunim të Evropës Juglindore, shkruan InLajmi.
Ky takim po mbahet në Antalia, Turqi, ndërsa është bërë e ditur se ministrat e 2 vendeve kanë folur rreth miqësisë që Kosova dhe Turqia kultivojnë ndër vite.
“Në takim, kujdes i veçantë iu kushtua bashkëpunimit jashtëzakonisht të mirë ekonomik ndërmjet 2 vendeve, me çka Ministrat u angazhuan në aktivitete që do të kontribuojnë drejt thellimit të lidhjeve të biznesit dhe tregtisë. Turqia si një nga investitorët më të mëdhenj në vend, është me interes të veçantë për ne, dhe në këtë kontekst, Osmani e informoi Çavushogllun për vendimin për të dërguar këshilltar ekonomik, i cili në kuadër të Ambasadës sonë në Ankara, do të punojë veçanërisht në avancimin e bashkëpunimit ekonomik”, njofton Ministria e Punëve të Jashtme.
Osmani dhe Çavusoglu kanë diskutuar edhe rreth bashkëpunimit të mundshëm në fushat e arsimit, mbrojtjes, kulturës, turizmit, e gjithashtu për luftën kundër terrorizmit dhe formave të ekstremizmit./InLajmi/
