Ditën e sotme do të zhvillohen 3 ndeshje interesante në kuadër të raundit të 2-të, të grupeve në “Euro 2020”.
Raundi i 2-të i ndeshjeve të grupeve ka filluar dje dhe me to edhe takimet e zjarrta, pasi disa kombëtare mund të sigurojnë kalimin.
Sot pritet të zhvillohen 3 ndeshje interesante në oraret 15:00, 18:00 dhe 21:00.
Ndeshja e parë e ditës është ajo e Grupit C në mes të Ukrainës dhe Maqedonisë së Veriut, e cila pritet të zhvillohet në orën 15:00 në ‘Arena Nationala’ të Bukureshtit.
Në orën 18:00 është në orar ndeshja e Grupit B në mes të Danimarkës dhe Belgjikës që pritet të luhet në Parken Stadium të Kopenhagës, shkruan TopChannel.
Takimi i fundit i ditës është në orën 21:00 mes Holandës dhe Austrisë, i cili është i vlefshëm për Grupin B dhe luhet në “Johan Cruijff Arena” të Amsterdamit.
