Kandidati për kryetar të komunës së Podujevës nga radhët e AAK-së, Besnik Tahiri, sot ka prezantuar kandidaten e radhës për Asamble Komunale, përcjell InLajmi.
Bëhet fjalë për Lirika Humollin, e cila është kimiste e diplomuar, aktiviste në fushën e mbrojtjes së ambientit dhe ka stufiuar po në këtë fushë.
“Lirika, është kimiste e diplomuar, aktiviste në fushën e mbrojtjes së ambientit, ajo ka studiuar po në këtë fushë.
Vjen nga fshati Lupç i Poshtëm duke qenë e pasionuar dhe aktive në promovimin e ambientit dhe mbrojtjen e natyrës.
Lirika i bashkohet ekipit tim, me fokus në analizën në fushën e ujërave dhe ambientit. Duke përfshirë edhe segmentin e edukimit në këtë fushë dhe laboratorëve profesional. Ajo poashtu është kandidate për asamble komunale”, ka shkruar Tahiri.
Postimi i plotë i tij:
Lirika, është kimiste e diplomuar, aktiviste në fushën e mbrojtjes së ambientit, ajo ka studiuar po në këtë fushë. Vjen nga fshati Lupç i Poshtëm duke qenë e pasionuar dhe aktive në promovimin e ambientit dhe mbrojtjen e natyrës.
Lirika i bashkohet ekipit tim, me fokus në analizën në fushën e ujërave dhe ambientit. Duke përfshirë edhe segmentin e edukimit në këtë fushë dhe laboratorëve profesional. Ajo poashtu është kandidate për asamble komunale.
Lirika dhe ekipi do të ofrojnë zgjidhje të qëndrueshme në gjetjen e alternativave për furnizim me ujë të pijshëm, për lokalitetet dhe shkollat; përmbylljen e ndërtimit të shpejtë të kolektorit dhe kyçjen në trajtim të ujërave të zeza; menaxhimin e mbeturinave dhe zgjidhjet për deponitë inerte; si dhe edukimin, paisjet laboratorike për shkolla në këto fusha.
Të dhënat tregojnë që në tri këto fusha duhet një veprim i menjëhershëm, duke i vendosur në prioritet të qeverisjes komunale.
Furnizimi me ujë
27% e qytetarëve furnizohen me ujë nga sistemet e vogla lokale, të cilat nuk menaxhohen nga ujësjellësi. Nga të dhënat e IKSHPK, pothuajse të gjitha mostrat e marra nga këto sisteme, rezultojnë me kontaminim bakteror dhe nuk janë ujëra të sigurta për pije nga aspekti higjienik. Nga 41 institucione arsimore në Komunën e Podujevës, 59% janë të kyçura në sistemin e ujësjellësit, 41% e tyre furnizohen nga puset.
Ujërat e zeza dhe degradimi i lumenjve
Tek rrjeti i ujrave të zeza, pothuajse i përmbyllur kyçja e zonave urbane dhe rurale, mirëpo të gjitha ujërat e këtyre sistemit të kanalizimit, kryesisht jo të trajtuara shkarkohen në rrjedhat e lumit Llap. Kësisoj shkaktojnë ndotje të lumit, tokës dhe sigurisht edhe ujërave nëntokësorë. Një ndotje e tillë paraqet kërcënim serioz për shëndetin e popullatës dhe për mjedisin në tërësi, njëkohësisht pamundëson shfrytëzimin për zhvillim të bujqësisë.
Menaxhimi i mbeturinave
Ndëkaq, sa i përket menaxhimit të mbeturinave nga 13,440 ekonomi familjare, vetëm 4,993 janë të kyçura në sistem, për rrjedhojë krijohen deponi ilegale. Shto këtu edhe mungesën e deponive inerte, krijohet kaos ambiental./InLajmi/
