Konkursi më prestigjioz i këndimit të operas në botë është rikthyer sivjet në kryeqytetin e Uellsit
‘BBC Cardiff Singer of the World’ vjen me 16 interpretues të rinj premtues që garojnë për çmimin e parë titullar të këtij eventi.
Pjesë e këtij kompeticioni është sopranoja shqiptare me famë ndërkombëtare, Elbenita Kajtazi.
Ajo ka bërë një interpretim fantastik për të cilin ka raportuar edhe BBC, duke publikuar njëherësh edhe performancën e saj në faqen e tyre zyrtare.
“Elbenita Kajtazi nga Republika e Kosovës, duke performuar ‘Dieu! Quel frisson’ nga ‘Roméo et Juliette’”,ka shkruar ndër të tjerash BBC në përshkrimin e performancës së saj.
‘BBC Cardiff Singer of the World’ është një konkurs për këngëtarët e operas që mbahet çdo 2 vjet, përcjell Telegrafi.
Gara filloi për herë të parë nga BBC Wales në vitin 1983 për të festuar hapjen e Sallës së Shën Davidit në Cardiff, Uells, shtëpia e Orkestrës Kombëtare të BBC-së të Uellsit.
