Ministrja e Arsimit Arbërie Nagavci tha që jemi të interesuar që vitin e ri shkollor ta fillojmë me prezencë fizike me orar të rregullt, përcjell InLajmi.
Nagavci në një postim në Facebook tha që tha që e kemi diskutuar edhe me ministrin e Shëndetësisë Arben Vitinë se tani do të realizohet edhe vaksionimi i mësimdhënësve.
Ajo tha që pas personave mbi moshën 65 vjeqare, të sëmurëve kronikë e punëtorëve shëndetësorë , do të vaksionohen mësimdhënësit.
Postimi i plotë i saj:
Pandemia ka shkaktuar çrregullime të shumta edhe në arsim andaj jemi shumë të interesuar që vitin e ri shkollor 2021-2022, ta fillojmë me prezencë fizike dhe me orar të rregullt.
Në mënyrë që viti shkollor të fillojë me kohë dhe pa probleme, jemi përkujdesur që në mesin e personave të vaksinuar kundër Covid-19 të jenë edhe mësimdhënësit. E kemi diskutuar me kohë me Ministrin e Shëndetësisë, Arben Vitia dhe tashmë po realizohet edhe vaksionimi i mësimdhënësve.
Të mërkurën jemi njoftuar zyrtarisht nga Ministria e Shëndetësisë se në mesin e personave që do të vaksinohen në vijim, përveç personave mbi moshën 65 vjeçare, të sëmurëve kronik e punëtorëve shëndetësorë , do të jenë edhe mësimdhënësit.
Këtë informatë e kemi përcjellë sot edhe tek Drejtoritë Komunale të Arsimit të cilat do t’i informojnë shkollat me detajet e këtij procesi.
Çdo individ apo institucion duhet të aplikojë për caktim të terminit në eKosova, sipas njoftimeve të MSh-së për kategoritë që do të vaksinohen sipas Planit Shtetëror të Vaksinimit kundër COVID-19.
Më shumë detaje i gjeni në platformën eKosova (https://ekosova.rks-gov.net/Security/Registration). /InLajmi/
