Kuvendi i Kosovës ka votuar ratifikimin e 7të anëtarëve të Këshillit Shtetëror të Cilësisë në Arsim 63 vota pro, 9të kundër dhe asnjë abstenim, raporton InLajmi.
Ministrja e Arsimit dhe Shkencës, Arbërie Nagavci ka thënë që në rast se të njëjtit nuk votohen, studentët rrezikojnë që të regjistrohen në vitin e ri shkollorë, për shkak të mosakreditimit të disa programeve.
“Është e rëndësishme që sot të emërohen anëtarët e rijnë të KShC-së”, tha Nagavci.
Kryetari i Komisionit për Arsim nga VV-ja, Ardian Gola tha se Komisioni propozon që këta anëtarë të votohen në Kuvend.
“Komisioni në bazë të nenit është takuar dy herë për këtë çështje dhe ka shqyrtuar vendimin e qeverisë për ratifikimin e anëtarëve të KSHC-së dhe ka vendosur që Kuvendit me ja propozu këtë rekomandim, për votim të anëtarëve me mandat pesë vjeçar”, ka thënë Gola.
Vlora Dumoshi deputetja e Lidhjes Demokratike të Kosovës tha se nuk është mirë që me qasje të vjetra të bëhen zgjedhje të anëtarëve të rinj.
“Nuk është korrekte të aprovohen Këshilli i ri kur Ligji i Akreditimit është në ligj të avancuar dhe shpejtë pritet që të miratohet. Nuk është mirë që me qasje të vjetra të bëhen zgjedhje të anëtarëve të rinj. Emërimi i anëtarëve të rinj me procedura të vjetra nuk është mirë. Ne si grup jemi kundër këtij këshilli që është puroi politik dhe më shumë familjarë duke i vendosur nipat e vet”, ka thënë Dumoshi.
Ndërsa, deputetja e Partisë Demokratike të Kosovës, Eliza Hoxha nëse ne sot votojmë këtu, votojmë edhe për një kandidatë që ka deklaruar rrejshëm.
“Ne e dimë rëndësinë e emërimit të këtyre anëtarëve. Ka pasur mjaftë kohë që nga marsi që të niset ky proces dhe që të shkojë në rregull. Nëse ne sot votojmë këtu, votojmë edhe për një kandidatë që ka deklaruar rrejshëm. Sef Bytyqi është program lider dhe i angazhuar në dy universitete. Poashtu është edhe akomodimi i nipave nga dajtë e tyre, nuk i bën nder as këtij Kuvendi e asnjë institucioni të Kosovës, Drejt nuk e keni, drejt nuk jeni dhe krejt gabim e keni”, tha Hoxha.
Poashtu edhe deputeti i AAK-së, Shemsedin Dreshaj tha se është shqetësuese është se nuk di se me çfarë kritere janë përzgjedhur këta kandidatë.
“Dua të konstatojë që konkursi për personat e përzgjedhur lë shumë [për të dëshiruar edhe pse asnjërin nuk e njoh dhe nuk kam asgjë kundër. Për mua shqetësuese është se nuk di se me çfarë kritere janë përzgjedhur këta kandidatë. Vetëm një kandidatë i ka nëntë publikime, një e ka një punim të publikuar pa asnjë referencë, teksa dy të tjerë nuk kanë asnjë punim. Këto janë të dhëna që verifikohen. Anulojeni këtë konkurs dhe mos improvizoni ju lutem”, ka deaklaruar Dreshaj.
Katër anëtarët vendor të emëruar në KShC janë: Hasnija Ilazi, Gëzim Tosuni, Seb Bytyçi dhe Krenare Pireva-Nuçi, teksa anëtarët ndërkombëtarë janë: Alison Felce, Cassie L. Bernhardt dhe Werner J. Stueber. /InLajmi/
