Deputetët e Kuvendit të Kosovës, janë mbledhur edhe sot në Kuvend për seancë, ku gjatë saj deputeti nga radhët e Partisë Demokratike të Kosovës, Xhavit Haliti, ka deklaruar një qëndim ndaj ministrës së Arsimit, Arbërie Nagavci, raporton InLajmi.
Haliti në këtë deklarim ka thënë se në kohën kur Nagavci ishte drejtoreshë e Arsimit në komunën e Prishtinës e ka lënë motrën e saj pa vend të punës, sepse është frikësuar që po e fusin në burg.
“Për zonjën Nagavci unë kam një qëndrim negativ për shkak se kjo duke u bazuar pikërisht në këto lidhjet familjare dhe neputiste, kur ka qenë drejtoreshë e Arsimit në Prishtinë e ka lënë motrën e vetë pa punë sepse u tut se po e shtin në burg dikush”, ka thënë ai.
Haliti ka deklaruar se lidhja e gjakut në mes të 2 persona është e lejuar që të jenë të 2-të në një institucion.
“Lidhja e gjakut ka një arsyetim të vetin. Lidhja fisnore ka diçka tjetër dhe nuk parashihen në ligj diferencime të tilla dhe nuk e di cila është ajo që mund të quhet lidhje ose neputizëm. Në politikë mendoj që është e papranueshme lidhja e gjakut për të qenë në një institucion. Nuk e besoj pse dikush e ka një lidhje farefisnore që është i kualifikuar, duhet t’i ndalohet vendi i punës. Nuk është e drejtë edhe përjashtimi nga puna i njerëzve që kanë qenë në institucione të ndryshme e që kanë kualifikime”, ka vazhduar ai./InLajmi/
