Gjuajtje me armë zjarri në lagjen “Kodra e Trimave” në Prishtinë, përcjell InLajmi.
Rastin për Gazetën InLajmi e ka konfirmuar zëdhënësja e Policisë në Rajonin e Prishtinës Flora Ahmeti.
Ahmeti tha që pas marrjes së informatës policia ka dalë në vendin e ngjarjes dhe ka nisur hetimet lidhur me rrethanat që karaketrizojnë rastin.
Ndryshe ajo tha që policia po vijor punën për identifikimin e të dyshuarve si dhe lokalizimin e vendndodhjes së tyre.
“Rreth orës 14:00 është raportuar për një gjuajtje me armë zjarri në lagjen Kodra e trimave në Prishtinë. Menjëherë pas marrjes së informatës policia ka dalë në vendin e ngjarjes dhe ka nisur hetimet lidhur me rrethanat që karaketrizojnë rastin. Bazuar në të dhënat fillestare nga vendi i ngjarjes nuk ka pasur persona te lënduar. Aktualisht po vijon puna policore për identifikimin e të dyshuarve si dhe lokalizimin e vendndodhjes së tyre”, ka thënë ajo. /InLajmi/
