Kryeministri i Kosovës, Albin Kurti, me rastin e shënimit të ditëlindjes së veprimtarit Ukshin Hoti, ka vizituar sot Krushën e Madhe, përcjell InLajmi.
Kurti u shpreh se edhe java e Lëvizjes ka filluar me përvjetorin e Lidhjes së Prizrenit dhe është mbyllur me ditëlindjen e Ukshin Hotit. Ai përmes një postimi në Facebook, ndau pamje nga Krusha dhe kujtoi jetën e vepren e Hotit, duke vendosur në shtëpinë-muze, 2 nga gjërat më të dashura për Ukshin hotit, një xhemper dhe një kostum vere.
Postimi i plotë i tij:
Java e Lëvizjes nisi me 10 qershor me shënimin e përvjetorit të Lidhjes së Prizrenit dhe përmbyllet sot me 17 qershor me shënimin e ditëlindjes së Ukshin Hotit.
Me aktivistë e banorë të Krushës së Madhe, në Shtëpinë Muze, bashkë me Avni Deharin vendosëm dy palë rroba të Bacës Ukë: xhemperin që e ka preferuar më së shumti dhe një kostum vere të cilin e veshi kur doli nga burgu i parë. Ai kostum shihet edhe në fotografinë nga një koncert i Shkurte Fejzës në Kërçovë.
Librat e Profesor Hotit, jeta e tij vepër dhe rikthimi te kjo shtëpi na mbajnë fort në rrugë të drejtë dhe përplot me energji për ecjen përpara./InLajmi/
