Në kampusin e Universitetit të Prishtinës, janë mbjellë mbi 400 drunjë të rinjë, raporton InLajmi.
Mbjellja e këtyre drunjëve eshtë bërë nga Drejtoria e Parqeve në bashkëpunim me bankën ProCredit.
Nga nënkryetari i Prishtinës, Muhedin Nushi, është bërë e ditur së është planifikuar edhe mbjellja e 12. 000 drunjëve dekorativ brenda këtij viti.
“Komuna e Prishtinës ka pranuar donacion nga Banka ProCredit me qëllim që të gjelbërojë sa më tepër kryeqytetin tonë me 452 drunj dekorativ që do të vendosen në oborrin e kampusit universitar. Përveç drunjëve komuna e Prishtinës gjatë këtij viti ka planifikuar mbjelljen e 12.000 drunjëve dekorativ e cila do të pasuron vendin tonë në zbutjen e ndotjes së ajrit”.
“Sa i përket ndotjes i kemi dhe disa projekte tjera është zhvendosja e mbushësve të automjeteve në 6 pozicione që do të jetë edhe ndihmesë për qytetarë që do të furnizohen me automjete elektrike”.
Ndërsa, Anëtari i Bordit Menaxhues të ProcreditBank, Visar Paqarada, tha se kanë synim që të merren vazhdimisht me projekte të tilla.
“Jemi në proces të mbjelljes së drunjëve 452. Shumë shpejt deri në fund të muajit do të vijnë edhe ulëset. Dhe kjo ka qenë e domosdoshme për kryeqytetin”.
“Për bankën është zotim shtesë dhe vazhdimësi i projekteve të tjera. Kësaj radhe e kemi zgjedhur Prishtinës për shkak të ndotjes së ajrit”.
Ndërkohë, drejtoresha e Parqeve, Fatime Hajdari, është shprehur se ky projekt ka qenë edhe një premtim elektoral.
“Ka qenë premtim elektoral jetësimi i projektit të parkut qendror. Ky park do të shërbejë për qytetarë. Kushdo që është i gatshëm të kontribuojë për natyrën është i mirëseardhur”.
“Ne si drejtori jemi të hapur për bashkëpunimi të tilla dhe shpresojë të kemi jetësime dhe ideve të mëdha”, është shprehur ajo. /InLajmi/
