Anëtarët e Komisionit Parlamentar për Shëndetësi vizituan qendrën e vaksinimit në sallën “1 Tetori” në Prishtinë, raporton InLajmi.
Antari i këtij komisioni nga rradhët e Partisë Demokratike të Kosovës Bekim Haxhiu tha që në sallën “1 Tetori” ka më shumë staf mjekësorë sesa vaksina.
“Ishim bashkë për të parë nga afër procesin e vaksinimit. Kosova është vendi i fundit në botë sa i përket vaksinimit. Falënderoj stafin për angazhimin. Sot pamë më shumë staf mjekësorë se sa vaksina. Pra një aspekt i mos organizimit nga ana e Ministrisë së Shëndetësisë angazhim i shumë vullnetarëve dhe specializantëve të cilët janë duke punuar edhe pa kontrata, angazhimi i vullnetarëve, ekipeve të FSK-së pa asnjë mbështetje nga Ministria e Shëndetësisë”, tha ai.
Haxhiu tha që është premtuar vaksinim masiv por sot janë vaksinuar vetëm 4000 qytetarë, e ne nuk morrëm përgjigjie se edhe sa vaksina janë në dispozicion por pretendohet vaksinimi i 500 mijë qytetarëve.
“Ka prej stafit shëndetësor që punojnë tani e 2 muaj pa pushim, as të shtunën e të dielën. Falënderim të veçantë të për stafin shëndetësor që po bëjnë përpjekje maksimale për të vaksinuar qytetarët mirëpo ka një mos organizim. Ka më shumë propagandë. Është premtuar vaksinim masiv por sot janë vaksinua vetëm 4000 qytetarë. Nuk morëm përgjigje se edhe sa vaksina ka në dispozicion por nga ato që janë shpenzuar kuptojmë që janë edhe 70 mijë doza e në anën tjetër pretendohet vaksinimi i 500 mijë qytetarëve”, shtoi ai.
Koordinatori i kësaj qendre, Niman Bardhi, tha procesi i vaksinimit është duke vazhduar me qytetarët që kanë aplikuar në platformën E-Kosova .
“Ishte një nderë për gjithë ekipin menaxhues këtu që janë në sallën 1 tetori në planin për vaksinimin dhe zbatimin e tij. Siç u potencua gjendja faktike, është çdo gjë në vijën e duhur. Procesi i vaksinimit është duke vazhduar me qytetarët që kanë aplikuar në platformën E-Kosova. Bëjë apel që të gjithë qytetarët të aplikojnë dhe të vaksinohen. Shpresojmë që një proces i tillë të mos na stagnojë dhe me përkrahjen dhe mbështetjen që kemi nga të gjithë besoj që do ia dalim më së miri në procesin e vaksinimit të këtij vaksinimi në masë”, deklaroi Haxhiu. /InLajmi/
